去北角playhouse玩

4月10日  星期四  晴天

上星期二晚D細路仔瞓晒, 

 我一面吃零食一面寫blog,

正在享受緊我一日入面最為自在嘅時光之際...

哥哥仔竟然瞓唔著叫醒咗兔寶寶!

呀妹喊咗幾吓, 就話要出來玩玩具, 

又話要去街街!

結果...叫醒人果個要罰, 

被叫醒果個..因為唔肯瞓番, 

都係要罰..齊齊企啦!

所以對上一篇blog差少少完成而未完成, 

延至今日先出!

*******************

昨天大少放假, 

我地又係去咗北角鋪頭仔食上海野, 

之後去咗另一間playhouse玩.

呢度比冒險樂園貴, 要成九十蚊一個小朋友, 

陪入場嘅家長仲唔可以轉人!

同兔寶寶經過幾次, 見佢好想玩咁;

而且佢攞咗人地D宣傳單張睇完又睇,

於是就在生日月帶佢玩一次!

成個場最矚目嘅飛機...

係最唔好玩嘅~

咪就係俾小朋友玩上機同落機囉~

因為我入唔到場(正確D講, 係我唔願意多付四十蚊去入場), 

只能在門口影相, 影到個個人頭都好細粒!

大少入去同呀B玩咗個幾兩個鐘, 

我就四圍行吓街.

差不多時候, 叫佢兩父女出去食KFC, 

俾大少休息吓...

KFC下午茶餐好抵食, 廿蚊雞, 

個芝士通粉都幾好味~

兔寶寶摷嚟摷去都搵唔到D乜野啱食...

佢自己都話唔肚餓!

梗係啦, 有得玩邊會餓喎~

中場休息完畢, 入去再玩過!

大少已經作投降狀, 不停嗌好悶!

我夠知悶啦, 如果唔係, 

都唔會推你入去! 嘿嘿!

等你以為我平時湊女好爽吖嗱?!

其實今次兔寶寶已經好大進步, 

跟本唔會痴住大少玩, 

自己會搵朋友仔玩, 

大少極其量係附近睇住吓就得!

 黑衫果位姐姐仔, 就係同呀B玩得最多嘅, 

咪睇佢得五嵗人仔, 好識照顧小朋友, 

兔寶寶同佢玩得好開心!

好似佢見兔寶寶上唔到呢條爬梯, 

就帶佢去另一面行樓梯上去!

又幫呀B拎住D桶, 等佢上落容易些少~

所以呢, 女仔真係識照顧人多D!

兔寶寶, 你C喇!

俾你老豆戴綠帽!

戴完綠帽仲要做牛做馬...

 

 

玩到六點鐘, 

我地先行去呀爺屋企食飯!