大潭水塘大風坳趕頭趕命之旅

4月21日  星期一  晴天

*******************

復活節假期的第一天, 

約了兔寶寶哥哥和家姐去行山.

跟兩個年輕人去登高, 

說是行山,  其實說是趕路較為貼切...

初時家姐仔仲肯放慢腳步同兔寶寶影吓相.

 

行到呢樹, 

又停落嚟吹吓浦公英.

沿途風景都好靚架, 

不過係無乜時間影相~

呢日好熱, 

兔寶寶行行吓開始頂唔順, 

要抖吓氣~

見大人分野飲, 

佢又要唔執輸搶上一支~

行你就行啦, 

自己都未行得掂, 

仲要捧住咁大支汽水, 

 見到都覺得佢辛苦~

辛苦咩?!

咪搵人抱囉!

廿四孝老豆實肯出手架!

俾著我實有咁快行咁快, 

唔行?! 要你走添呀!!

抱住個三十幾四十磅嘅女仕趕路, 

大少都咪話唔辛苦, 

抱唔夠兩三分鐘就要呀B落地自己行.

不過你精佢都唔笨, 

佢咪又行番兩三分鐘應酬吓你, 

再扭過囉~

唉, 一句講晒, 

自己攞嚟~~~~

係喇係喇, 

最把閉最得戚係你喇~

 海天一色, 

我只能做到嘅, 

就係為兩父女留下倩影.

倩, 係倩女幽魂個倩, 

大少個表情, 真係一D都唔似去行山, 

似去拜山多D架!

Woo~ 終於有得抖吓Lu!!!

呢張相有我出現!!

做就無份, 

抖就有份, 

咁先係精明主婦之道嘛!

 行到呢度, 

大小姐又話要飲啖水~

 唔知趕咗幾耐路, 

終於成功到達終點!

主角兔寶寶放在小圖, 

而把大少嘅無債一身輕樣特別放大, 

以作本人點點獎勵!!

行返落去太古城食KFC, 

再去埋玩具反斗城一人一件禮物先返屋企...

本來幫兔寶寶揀好一盒泥膠工具, 

點知佢偏要買一件價值廿蚊嘅紙杯, 

三嵗細路真係唔識貨.

不過咁, 回家佢又真係將果幾隻紙杯玩了又玩, 

大人真難明細路仔諗乜~

****************************

對於不喜歡的人和事, 

從來都是避之三尺, 

就像要小孩子好好讀書一樣, 

從來沒有嘗試就say no...

這兩天好好想一想, 

思想也可能受大少影響, 

變得隨遇而安.

難聽點可以說是逆來順受, 

但對於不是靠自己就能改變的事情, 

也許就只能如此了.