舊曆三嵗生日

4月17日  星期四  晴天

剛剛過咗嘅星期五, 

已經係兔寶寶嘅舊曆生日.

早在在呀爺屋企食飯時, 

已經切埋生日蛋糕了.

其實連新曆生日都過埋, 

只係我在懶, 遲遲未出blog~

舊曆生日蛋糕好抵, 

响呀爺爺屋企樓下嘅舊式麵包店買, 

只係價值三十幾蚊!

但我覺得佢係好食過美心果D蛋糕架~

三嵗人仔真係會攪事!

嫲嫲俾利是佢, 

佢竟然想隊入蝋蠋燒~ 

不停攪攪攪, 

睇少一眼都唔得!

食到好似鬍鬚妹咁, 

先係最好食!

第二日先係正式舊曆生日, 

我地去咗皇室堡, 睇Hello Kitty!

佢可能開心得滯, 

先目無表情掛?!

見到佢鍾意嘅士多啤梨, 

先識笑少少!

我地其實都唔知有個咁嘅展覽, 

但睇兔寶寶呢身打扮, 

就知佢有幾鍾意Hello Kitty啦~

四圍摸下, 手多多咁.... -_-

大少好無聊, 

話要度下呀B夠唔夠90cm高喎!

兔寶寶晨早就已經有一米高架喇!

夠高都無用, 呢個吹氣公仔, 

要星期六日先開放嘅...

哈, 佢終於發現自己件衫都有隻吉蒂貓!

睇完HELLO KITTY, 

我地去咗食乳酪雪糕.

 

之後再去埋冒險樂園玩...

 

走返落去玩具反斗城買埋幾隻吉蒂貓蛋蛋, 

就算帶咗佢玩一大餐~