梅窩之旅(一)

4月4日  星期五  晴天

上篇有些網友問我四月將會去邊樹玩?!

其實大少一個養四個開支咁大, 

仲可以去得邊度吖?! 

搭飛機嘅...希望出年可以啦!

搭吓船搭吓巴士果D旅行都仲得嘅...

今個星期去了三日兩夜的宿營.

今次宿營都幾臨時, 

係有個朋友本來約好表妹一家, 

營地都book埋, 

點知個表妹屋企有急事而失約, 

最後搵我同另一位朋友臨時拉夫.

本來預算去五日架!

不過星期一天氣實在太差, 

所以先改咗係星期二起行.

我仲拖埋哥哥仔, 實行一拖二齊齊離家出走!

出門時都有雨, 

兩位小朋友著定雨衣和涼鞋, 出發!!

去到碼頭喇~

 

 

 

 

 

兔寶寶, 你望住鏡頭唔笑都算啦, 

做乜仲專登撩鼻呀!????

一個肯笑, 一個唔肯, 

咁就自然影哥哥仔多D!

 

去超市買咗D食物就直接搭的士去營地, 

執行李時我先發現自己無帶叉電器, 

要等每朝到便利店叉電!

成為整個行程最為不便的一環!

唔知算好彩定唔好彩, 

星期二當天都幾大雨, 

我地都係留响室內, 

三個女人一個墟自然傾過不停.

預咗落雨無野玩, 

帶定十隻八隻卡通DVD俾兩位小朋友解悶~

兩位朋友都係極重體形嘅OL, 

兩餐都係食兩條菜就飽, 無乜特別好食.

細路仔最開心, 

一面睇DVD一面食零食, 飽晒!

到星期三天公造美,

終於可以出吓去行吓!

好彩佢地兩個肯一人袋返自己D衫同自己D水, 

我先無咁吃力咋!

朋友仔又肯幫手拖一個, 

唔係帶住兩隻甩繩馬騮都幾辛苦!

 

 

除咗我之外, 

另外兩位女仕平時著high heels多過波鞋, 

唔係特別行咗好多地方!

但都盡力為兩位小朋友留倩影~

 

 

(續)