又是放假一天

3月27日  星期四  晴天

尋日又係大少放假, 

等兔寶寶上完playgroup,

我地去咗美心快餐食下午茶.

無影相, 

但我想講佢地嘅香茅雞翼係幾好食嘅...

兔寶寶唔知係咪知自己好快重到無人抱到佢, 

呢排成日要人抱~

 可以確認嘅係, 

識得行識得走嘅, 大部份都係唔願意行...

 

食完下午茶返屋企沖下涼灘抖吓, 

好快又到晚飯時間.

呢排好喜歡去bubble sushi去吃early bird放題, 

一來平, 

二來係食完都只係八點, 唔會攪到好夜先瞓得~

 

第一round壽司~

 

兔寶寶話佢自己食緊ice-cream cone!

 仲有好多野食!

呀B呢晚唔係食太多野, 

後尾都要我返屋企煮飯佢食..

甜品時間, 

有人又頂唔順搵周公!

後記: 食完呢餐對我來說十分豐盛嘅放題, 

當晚有人要求我煮宵夜佢吃.

我當然借咗聾耳陳隻耳, 

一味話眼瞓, 睬佢都傻.

結果那人自己在雪櫃摷了邪惡腸和火腿煮來吃..

我嗅到了那香氣, 

忍唔住起身EE哦哦...

大佬, 四十幾五十嵗人食完放題半夜三更食D咁嘅野, 

好過癮咩?!

忍唔住一哦就哦咗十幾分鐘,

又膽固醇啦又鈉又防腐劑又呢樣果樣諗住嚇窒佢;

最後大少很含蓄地問我一句, 

是否做家庭主婦做得太耐了, 

食條腸俾我都要哦咁耐, 

我才懂得收口...

原來, 不知不覺, 

我變了嫦娥~